LINKS



PENCARIAN DATA

ONLINE ADMIN

Ketua Umum

Sekretaris Umum

Bendahara Umum

Admin


A D M I N

PENGUNJUNG

094181
Hari iniHari ini1
Minggu IniMinggu Ini211
Bulan IniBulan Ini967

TUHU KIN SERI HAK DILAKI RAS DIBERU IBAS MBAGI ERTA

TADING-TADINGEN.

OLEH : DRA .LUSIA SUKATENDEL

 

Ibas waktu si enggo cukup gedang, diberu enggo emperjuangken hakna, Maka situhuna labo lit perbedaen dilaki ras diberu. Tapi ibas kinata kegeluhen khususna ibas kegeluhen kalak karo rusur kel ibas perakteknna sunguh sangat berbeda.

Piga-piga lembaga ibas tanah karo ngerana soal keberadaan diberu, singataken maka labo lit perbedanna. Tapi adi enggo kenca ngerana soal tading-tadingen orang tua. Diberu lanai maon-maon pang ersumekah.

Sebab budaya singgo beratus-ratus tahun dekahna enggo ikap sada tindakan sicukup adil e bereken man diberu kerna tading-tadingen. Adi lit kin juma lima lambar, janah ibas sada jabu lit dua diberu telu dilaki biasana siiberlakukan, sidiberu e ndatken sada ibas si lima ndai, em bagi 2 ras seninana. Pembagien enda ikap engo cukup adil sebab e ianggap pemere kalimbubu, ras labo hak siharusna ibagi rata.

Lit ka deba sama sekali la ibagiken man anak sidiberu, sebab sukat-sukat keadilen si ni idalanken e me kebiasaan siterjadi ibas kegeluhen kalak karo,maka si patut ndatken warisen eme si dilaki ( budaya Patiarkhi).

Maon –maon adi rukur kita ,ise nge kin si salah. Janah ibas jaman gundari pengejapen erturang kinatana si idah enggo memudar, mungkin enda tuntutan kebutuhen ngeluh setiap keluarga. Tipi adi ngerana kita soal keadilen kerna harta warisen menurut  kami penulis labo lit sukat-sukatna sipayo, tergantung kuga pengenjapen singenanamisa, apakah ia mendapat keadilan si setipal sesuairas  hakna. E iakap kami si pentinggna. Lit ras lang ibas anak sidiberu adi kin ibas sadajabu lit dilaki entah diberu makin seringe iakap nande e kelengnna man anak e kerina.

Adi isungkun sekalak nande menurut pengenehenen kami bagi pernah  diskusi ras piga–piga pernannden, labokel beda atena kelengngna man anak sidilaki ras si diberu.

Entah budaya kin e,entah kebiasaan bas kalak karo, em rusur si i pertahannken,emnaka lit nge kalak silanpengeriahen ras turangnna seh ia mate gara-gara harta orang tua. Maon-maon kami sebagai penulis rukur harus kah e ipertahenken?

Isu Gender ku kalak karo enggo hampir lit 25 tahun lebih seh. Kerina aktivis perempuan ngtaken ingin meminta kesetaraan. Gereja pe enggo ngambil sikap si positif ibas pelatihen -pelatihan Gender baik nasiona, bagepe  internasional. Ras la sitik dana si nipedarat kerna sie. Namun adi si evaluasi mungkin ibas hal pembagian harta warisen, entah sitik denga nge kalak si ngit membagiken earta orang man turangna sidiberu sama rata.

Kami lenga erbahen sada riset khusus kerna si enda, tapi ibas pengamaten kami melala kel kalak si erpekera ras turannna kerna tading-tadingen orang tua. Sada  hal jawaben sementara kami mungkin enda ipengaruhi ergana tanah genduari. Perban  jelma rehteremna, tapi Dibata enggo ngadi nepa Taneh.

Ate kami ibas tulisen eda nuriken kai si enggo ibahan kami ibas keluarga kami tentang Pembagin Erta Warisen.

Keluarga kami ngeluh ibas sada kuta si cukup kitik, Kuta Martelu, Kec.Sibolangit, Kab.Deli Serdang Sumatera Utara. Si mungkin jabuna  lebih kurang 50 jabu. Ibas sada jabu lit lima erseninaqn 4 dilaki, 1 diberu si  nomor empat. Ngeluh ibas keluarga si shekel sederhanana. Orang tua sidilaki pensiunen guru, Sidiberu kujama kurumah. Ibas kitik-kitik nari anak-anak enggo ididik orang tua sikeleng-kelengen uga ersenina, uga erturang sipayo I lebe –lebe Dibata. Orang tua sidiberu baci kataken sekalak si cukup aktiv ibas dahin –dahin gereja bagepe dahin dahin kuta ibas  jamanna. Mbue mereken waktu man dahin–dahin adat ibas kuta. Hubungen si harmonis terjalin ras anak kuta. Perban sada kuta kerina memang kuh sangkep geluhhna. Kalak si la sekolah tapi  mbue erjuang man kalak sideban. Bagem Kelurga enda ngeluh itengah–tengah kuta. Anak sidilaki ras sidiberu mepares kel kerina,mestang mejile. Jumpa ras atena ngena bagi si auturken dibata. Amin pe kerina anakna sidilaki enda rata–rata tamat sekolah menengah ngenca, tapi Tuhan mereken ndehara si lebih manpan sekolahna. Seh ibas paksana umur 58 tahun Nade itengah jabu idilo dibata, la sakit. Sedih kel anak-anakna ras  permain, kempu ras kwerina kade kade. Orang tua enda cukup enerjik ibas kegeluhenna. Seh paksana ercakap kerna tading-tadingen. Perban anak-anakna ngukuri masa depan gelah enggo si ndahi–ndahiken  jumana kita nina piga–piga anakna.

Seh percakapen uga ban carana, kita lima sada nande, seri nge si ban pembaginnta. Ngerana permenna sintua, lapadah seri ras sidiberu  perban bik uda enggo kalak si mapan bandingken ras kita nina ( berunas maksutna). Tapi reh nina permenna sitenggah duana kita bagi seri. Adi  la sibagi rata nina sintengah aku langit ngalokennca. Perban sekerajangen nande kap e. Sehku pendungi cakap, anakna si diberu ndai nimai kai si ibahan turanggna kerina man bana. Amin pe enggo itehnna dua edana enggo membela ia. Teridahkel keluarga enda enggo ibereken budi pekerti ibas orang atuana nari janah hasillna pe I idah mehuli. Reh nina si nomor telu . Carana siban LOTRE, lalit  sada pe unsur anak paling tua, lalit  unsur anak singuda. Emaka lawas anaknna si lima kalak ndai kujuma ,iukurna tanah e ibagina 5, ras seri kerina ukurenna. Janah mulih ia kurumah, emaka I bukana lotre si enggo banna ras-ras. Kai siterjadi, Dibata simana kuasa adil ngenen sidiberu. Anak si diberu ndasi dsatken bagin  itengah.

Turanggna ndai empatna  na kawes ras kemuhenna. Tapi ence ibuka kerina anaknna si nomor  3 kecewa, ia si arah pinggirna, hampir deher embang. Lawes ia mis kurumahna bagi si kecewa ia ngnen hasil e. Nina permenna si nomor dua. Harus dahi kena, adi la ia nerima sekerajengennku tukar manbana. Lawes anak sintua ras sinomor dua ndahi agina. Jenari ngerana ras arih  ia kerina ibas rumah orang tuana. Teridah kel Dibata simasu-masu jabu enda labo kel perbanb beluhna kerina. Lit singit mengalah ibas persoalan e, emaka ibas pembagin labo lit pihak ketiga si ni undak keluarga. Ia ngeca sada jabu. Turangna sidiberu marasa sangat terhormat, ras silihna perban bage tulusna si empat dilaki ndai ngergai turangnna sisada.

Meriah kel ukur orang tuana, sebab nina orang tuana metenggiring gia juma e, Adi Dibata sinuanisa, meramis buahna. Tawa ia kerina. Kai sierbahanca e jadi ibas kelurga enda ndai. Sada si la banci ilupaken ras siman usihen. Ngejapken maka labo lit panasta ndabuh ngeliatken herta enda kerina. Pasti nande ras bape seri atena kita kelengna kerina nina anakkna sintua.

Pengalamen enda perlu kel si kampanyeken. Maun–maun kita sebagai eda pe labo kita  mendukung situasi sibagenda rupana. Kadang sipisahken kebersamaanta sebagai diberu ras tergantung si ban kai kepentingenna. Adi ramin aku kita, tentu kita sapih- sapih diberu saling menguatken. Adi enggo sicidahken etiket baik kita man berunta khususna, ijeme maka tuhu –tuhu kel maka kita ianggap sebagai pengannta nande. Ngataken sesuatu she kel sunahnna tapi mperaktekkenca she kel tahatna.

Tapi marilah kita kerina khususnya Moria GBKP ijape pe kita ringaan tetap membela keadilen baik ibas bentuk kai-kai pe, guna siergaan-ergan sapih sapih diberu. Ertotolah rusur maka ukur bersih, sebab nande ingan kalak tertade. Seh maka nina sada jabu she kel riahna ukur nade ras bapa adi anak-anak e ersada arihna.

Jadi  ibas pembagin herta warisen enda perlu kel siperhatiken hak-hak diberu, gelah tuhu-tuhukai nina sitersurat ibas pustaka sibadia tergenapi.dilaki diberu itepana labo jandiken asada ras sidebann merendahken tapi harus siergan ,emkap ertina dilaki entah  diberu ilebe lebe dibata labo lit siganjang teruhen.

Kuan–kuan kalak karo page bas lebeng pe I kurkur nandangi turang. Akap kami berlaku nge nnda man sidilaki bagepe sidiberu. Perban reprensi buku tetang budaya karo  kurang kel. Kami muat contoh si kongkrit si ialami kami ibas jabu. Ibas kuta e pe melala nge soaal kerna si lit kang kalak langit ngusihsa.

Tapi namun bage gia ,simulailah ibas dirita lebe. Mungkin ibas contoh–contoh enda torah pemahamen kelurga sideban kerna sienda.Rehriahna siakap ngeluh sebab tuhan simereken gegeh. Entah katawari gia kita idilo dibata kita enggo ndalanken simehuli singena atena.

Jumat, 23 Jun 2017  17:18:23

KALENDAR

June 2017
M T W T F S S
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

AGENDA

14-16 Juni 2017 :

MPL Moria 2017

17 Juni 2017 :

Konser Moria GBKP di Batam 

 MOMO